Schriibe, wie eus de Schnabel gwachse isch – das mached mir scho mängs Jahr. Es chunt nämli öppedie vor, dass mir d Poschtcharte us de Ferie, d WhatsApp-Nachricht und s Poschtizäddeli i eusem Dialäkt schriibed. Sit eme Ziitli gseht mer aber au immer meh schwiizerdüütschi Tegscht i de Öffentlichkeit – segs i de Werbig, i de Literatur, i de soziale Medie oder i de Musig. Aber wie schriibt mer im‘ne Dialäkt, wo’s kei Rächtschriibig git?

Ich hilf dir, di beschti Schriibwiis uszläse und korrigiere dini Tegscht, demit si einheitlich sind und professionell dehärchömed.