Es hät agfange vor mängem Jahr, won ich für e Seminararbet a de Uni em Pedro Lenz sini Dialäktschriibig im Roman «Der Goalie bin ig»untersuecht han. I säbere Ziit isch en Musikerfründ vo mir mit sinere Band «Dabu Fantastic»grad im Abschluss gsi vo me neue Album. De Dabu, en Gschichteverzeller, leit vill Wert druf, wie sini Tegscht im Liederbüechli und uf sinere Internetsiite dehärchömed und drum hät er mini Hilf gern agno. Das isch de Ursprung gsi vo eusere langjährige Zämearbet und es hät mich uf d Idee bracht, s «Korrigiere» vo Mundarttegscht professionell azbüte. Foif Jahr spöter, im Nünzähni, isch für mich klar gsi, dass d «Systematisierig vo de Dialäktschriibig»s Thema vo minere Masterarbet muess sii. Churz drufabe han i mit de Abgabe vo de Masterarbet mis Studium i Düütscher und Französischer Sprach- und Literaturwüsseschaft erfolgriich abgschlosse. Näbscht minere Arbet als Mundartlektorin gib ich an ere Schwiizer Kanti Düütsch und Französisch.
Es hät agfange vor mängem Jahr, won ich für e Seminararbet a de Uni em Pedro Lenz sini Dialäktschriibig im Roman «Der Goalie bin ig»untersuecht han. I säbere Ziit isch en Musikerfründ vo mir mit sinere Band «Dabu Fantastic»grad im Abschluss gsi vo me neue Album. De Dabu, en Gschichteverzeller, leit vill Wert druf, wie sini Tegscht im Liederbüechli und uf sinere Internetsiite dehärchömed und drum hät er mini Hilf gern agno. Das isch de Ursprung gsi vo eusere langjährige Zämearbet und es hät mich uf d Idee bracht, s «Korrigiere» vo Mundarttegscht professionell azbüte. Foif Jahr spöter, im Nünzähni, isch für mich klar gsi, dass d «Systematisierig vo de Dialäktschriibig»s Thema vo minere Masterarbet muess sii. Churz drufabe han i mit de Abgabe vo de Masterarbet mis Studium i Düütscher und Französischer Sprach- und Literaturwüsseschaft erfolgriich abgschlosse. Näbscht minere Arbet als Mundartlektorin gib ich an ere Schwiizer Kanti Düütsch und Französisch.